Enfòmasyon pou Ane Lekòl 2021-2022 n

Aprantisaj san danje epi an sante pou tout moun

Byenvini nan ane lekòl la

Pandan n ap retounen lekòl, fanmi yo ta dwe pran twa aksyon enpòtan:

Fè pitit ou yo vaksen si yo gen 12 an oswa plis
Soumèt konsantman pou tès COVID-19
Sèvi ak Aplikasyon pou Depistaj Sante a pou yon tcheke sante chak jou pou elèv ou a.

Vaksen kont COVID-19 pou timoun ki gen laj 5 an oswa plis

Vaksen an se etap ki pi enpòtan ou ka pran pou pwoteje oumenm ak fanmi w kont COVID-19, epi kounye a tout Nouyòkè ki gen laj 5 an oswa plis elijib pou resevwa vaksen COVID-19 la.

Vaksen an sekirite, gratis, epi li disponib kèlkeswa sitiyasyon imigrasyon an.

Si w gen yon timoun ki gen omwen 5 an, Depatman Sante ak Ijyèn Mantal ak Depatman Edikasyon Vil Nouyòk ankouraje w pou pran yon randevou vaksinasyon pou yo pi vit posib lè w vizite. vaccinefinder.nyc.gov(Louvri lyen ekstèn) .

Ou ka rele tou 877-VAX-4-NYC (877-829-4692) pou èd pou pran yon randevou nan yon sit vaksinasyon vil la. Anpil sit kounye a gen randevou mache.
Pou jwenn repons kesyon yo poze souvan sou vaksen COVID-19 la, vizite nyc.gov/vaccinefacts(Louvri lyen ekstèn) .